Himpapalis

MAGLULUPA isa lamang akong abang maglulupa sa pakikibaka'y laging nakahanda walang pamasahe? lalakaring sadya! upang makausap ang kapwa ko dukha aking sasabihin doon sa pabrika: "nililikha ninyo ang ekonomiya nitong ating bansa subalit kaymura ng sahod pambuhay sa inyong pamilya!" at ang kapwa dukha ay pagsasabihan: "karapatang sadya ang paninirahan kaya demolisyon ay inyong labanan, at maging matatag sa paninindigan!" sa piniling buhay, hindi na humindi kahit katawan ko'y magkabali-bali pagbaka'y patuloy, matortyur mang muli kahit na sa laban, ako pa'y masawi at sasabihin mo, "wala kang pangarap kaya hanggang ngayon, ika'y naghihirap" ikako, "ang aking puso'y nag-aalab nang sistemang bulok, tuluyang mawasak! - gregoriovbituinjr. 08.29.2026

Ang P.A.Y.O. sa karinderya: Pay As You Order (13 pantig bawat taludtod, walang sesura) ang payo sa karinderya ay P.A.Y.O. Pay As You Order daw ang kahulugan nito na bayaran mo muna iyang inorder mo bago kainin, parang sa Jollibee't McDo kaysimpleng payo ni Ate sa karinderya na bayaran mo muna si Manang Tindera kayganda ng payo, sana'y sundin ng masa baka nakakain na'y wala palang pera - gregoriovbituinjr. 08.26.2026 * litrato mula sa google

ANG MASAMANG ASAL NG NASA POLITICAL DYNASTY sadyang sa hayop ay masahol pa ang asal ng nasa dinastiya utusang pulubi lang ang masa na tatahimik lang sa ayuda masa'y di kapwa, di mamamayan ganyan ang dinastiyang gahaman di ba natin isusuka iyan? ipapanalo pa ba ang ganyan? kaasalang ang iba'y apihin matapobre pa kung makatingin mapanlait kung iyong suriin dinastiya'y talagang salarin ng ating karapatang pantao silang di marunong rumespeto na ang masa'y sinliit ng buto habang sila'y sinlaki ng buko wakasan na ang sistemang bulok pati dinastiyang asal bugok ibagsak ang dinastiyang hayok silang di dapat muling maluklok - gregoriovbituinjr. 08.25.2026

SIKOLOGO BA SI KOLOGO? ang Espanyol daw ng psychologist ay psicologo , sa Filipino ay sikologo , kung itatambis parang sikologo si Kulogo dito pa lamang ay matatanong paanong paggamit ng salita nang di ito magmukhang kurikong kundi diwa'y manamnam na sadya tamang salin daw ng psychologist ay sikolohista, buti naman kaysa yaong magpapabungisngis parang sikologo'y niyurakan ay, si Kologo'y sikolohista sana tayo'y matulungan niya - gregoriovbituinjr. 08.23.2026

PRINSIPYADO May tibak sa loob ko. Nakataas-kamao. Tulad ng batang ako. Titindig, di tatakbo. - gregoriovbituinjr. 08.21.2026

ANG MGA IBON ANG LUMILIKHA NG BATAS PARA SA MGA ISDA Ang mga ibon / ang lumilikha / ng batas para / sa mga isda. Iyan ay isang / katotohanang / aking nabatid / sa matatanda. Ang dinastiya / ang gumagawa / ng batas para / sa mga dukha. Kapitalista / ang umaakda / ng batas para / sa manggagawa. Tanong ko lamang: / Bakit ba ganyan / ang kabulukan / sa ating bayan? Nasaan na ba / ang kabuluhan / ng pagkatao't / ng katauhan? Ang tusong trapo / ang pinupuri, / dinarakila, / pinagpugayan! Gayong obrero / ang lumilikha / ng buong yaman / nitong lipunan! Ang pangnegosyo'y / sinasabatas. / Paanong bansa'y / ipagbibili. Gagawa sila / ng batas ngunit / tao'y di man lang / sinasangguni! Ngayon, alam na! / Huwag iboto / ang tusong trapo't / mga dynasty na kumawawa / sa masa, dukha, / sa manggagawa, / bata't babae! Kaya dapat lang / baguhin nating / tuluyan iyang / sistemang bulok at silang uring / obrero't dukha'y / ating ilagay / doon sa tuktok! 08.21.2026 * dadalawa...

‎BINIGKAS SA QnA PORTION SA USAPING POLITICAL DYNASTY AT PARTYLIST ‎(madalian lang kaya magkakaiba ng tugma at bilang ng pantig) ‎ ‎paano ang walang political dynasty ‎kung gumagana lagi'y ayuda't salapi ‎serbisyo'y negosyo ng trapong negosyante ‎nangungurakot imbes sa bayan magsilbi ‎ ‎tingnan na lang natin sa isyu ng flood control  ‎sinong lingkod bayan ang dito'y nagtatanggol? ‎sinong dapat managot? sinong accountable? ‎nangyayari sa bayan ay sadyang kaysahol ‎ ‎dapat baguhin ang sistema ng eleksyon ‎kung saan ang lahat ay may pagkakataon ‎at di sa paramihan ng poster magumon ‎sa party list naman ay nais kong magtanong  ‎ ‎boboto ka ba sa ghost flood control party list ‎iboboto mo ba ang kurakot party list ‎iboboto ba nati'y buwaya party list ‎o iboboto mo'y ang matino party list ‎ ‎comelec na ang gumastos, di kandidato ‎di dapat batayan ang kayrami nilang piso ‎upang maging patas talaga at seryoso ‎tayong kandidato'y magsisilbi sa tao ‎ ‎ibon ang gumagaw...

SONETO KAY PATRICK DYLAN WEE matapos ang krimen doon sa Tacloban kung saan namaril yaong kabataan ay naulit muli yaong karahasan at sa Zamboanga ay nangyari naman si Patrick Dylan Wee yaong nabiktima isa siyang kampyon sa matematika at agham, Gold Award dalawang taon na sa Math Olympiad nitong Southeast Asia estudyanteng Grade 10 sa may Ateneo batang may pangarap, batang matalino subalit nangyari namatay na ito anong ginagawa ng ating gobyerno bakit ang tadhana'y ganyan na kalupit? nawa katarungan ay kanyang makamit - gregoriovbituinjr. 08.20.2026 * litrato at kwento mula sa kawing na: https://www.facebook.com/photo/?fbid=1654651449555655&set=a.813151847038957  

Di pa kaya kayo galit sa aking dalawang dalit? Mga tiwaling kaylupit, pera ng baya'y inumit! DALAWANG DALIT NA NAPAPANAHON O HINGGIL SA PANAHON: ANG BAHA, BOW! Baha! Ramdam mo't kaybigat! Katiwalian ang ugat! Ghost flood control na'y isumbat! Magmulat sana ang dilat! WIKANG BAHASA may Bahasa Indonesia at may Bahasa Malaysia subalit sa atin, iba Baha sa Pinas talaga! - gregoriovbituinjr. 08.19.2026 * ang dalit ay katutubong tulang may walong pantig bawat taludtod 

NEGOSYO LABAN SA KALIKASAN Negosyo versus kapaligiran Negosyante versus kalikasan Dahil sa tubo, silang gahaman, Sa kapwa ay walang pakialam Serbisyo'y tinuring na negosyo Kalikasa'y sinisirang todo Iyang sistemang kapitalismo Ay talagang perwisyong totoo. Sinira ang bundok, kina-quarry Lupa'y minimina ng salbahe 'Lang tugon sa climate emergency Basta kumita lang, walang paki. Katotohanang dapat tanggapin Negosyo'y nangwawasak sa atin Mga lupa't bundok minina rin At katutubo'y pinalayas din Tumingin ka sa paligid-ligid Kalikasa'y kanilang nilubid At kayraming sa gabi binulid Pati buhay ng kapwa'y pinatid. Nang dahil sa pagkamal ng tubo Kalaban ng negosyo'y naglaho Niyurak dangal ng katutubo Inagaw pati lupang ninuno. Kung nais mong tulungan talaga Ang bayan, dapat tanggapin mo na: Negosyo'y mapanira talaga Upang bumundat, kumita sila. Kung di mo ito kayang matanggap Kalikasa'y di mo nililingap Kapitalismong nagpapahirap Ay kalabang sadyan...

TUGON SA NABASA SA MESSENGER kaybigat ng walang pamasahe tulad na lang ng kanyang sinabi subalit kung ako, lalakarin ko iyon, kalsada'y tatahakin susubukan pa ring dumiskarte kung ako ang walang pamasahe pagkat ayokong gawing dahilan iyon, di magawan ng paraan tanungin din ang nag-organisa kung isyu't paksa'y para sa masa tumugon kung pang-atin ang paksâ di kung may pamasahe o walâ iwan kung isyung pangmayayaman at daluhan kung pangmamamayan ay, ganyan kaming organisador kahit itanong mo pa kay Melchor gaano man katotoong sabi iyang kawalan ng pamasahe ako'y pultaym, ayokong marinig ang ganyan, kundi ang isyu't tindig - gregoriovbituinjr. 08.18.2026

SA ISANG FORUM ‎ ‎Sa Buwan ng Wikang Pambansâ ‎Inglesan sila ng Inglesan. ‎Ang turing kaya nila'y bakyâ ‎Ang sariling wikà ng bayan? ‎ ‎Gayong Pinoy naman ang paksâ! ‎Dumalo'y mga kababayan. ‎Sa harap ng Pinoy na madlâ  ‎Tingin sa sarili'y dayuhan? ‎ - gregoriovbituinjr. 08.15.2026

TANAGA SA KLIMA ‎Di palagay ang masa ‎Sa nagbabagong klima: Noon daw: BAHALA NA. ‎Sigaw ngayon: BAHA NA! - gregoriovbituinjr. 08.11.2026 * ang tanaga ay uri ng katutubong tula, may pitong pantig sa bawat taludtod, may apat na taludtod sa isang saknong

SA IKA-14 DEATH MONTHSARY NI MISIS‎ paano pa ba sumiglâ ‎kung si misis na'y nawalâ? ‎araw-gabi nang tulalâ ‎ay, kinapitan ko'y tulâ - gregoriovbituinjr. 08.11.2026

MUNTING TULA SA RALI SA DOLE‎ binibilog nilang muli ang ating mga ulo ‎ayaw na raw ibigay ang walumpu't limang piso ‎ganito katindi ang sistemang kapitalismo nag‎serbisyo raw sa tao, lumuhod sa Negosyo inuuna nga ba'y kapakanan ng kapitalista? kaya nangyari ang ganyang gawang di makamasa? Department of Labor and Employment ba'y binago na ‎at ito'y Department of Love for Employers na nga ba? ‎‎kaya po tayo nasa harap ng maamong DOLE ‎ay dahil na rin sa pakikialam nitong korte di na hurisdiksyon ng korte ang isyung nasabi maamong tupa ba silang prinsipyo'y nabibili ‎ O, DOLE, magserbisyo po kayo sa manggagawa sapagkat kayo po ang Kagawaran ng Paggawa baryang walumpu't limang piso'y ibigay nang sadya at huwag padaig sa kapitalistang kuhila ‎ - gregoriovbituinjr. 08.03.2026 * dumalo ang makatang gala sa pagkilos ng mga manggagawa sa harap ng DOLE Intramuros sa umaga ng Agosto 3, 2026, araw ng Lunes

‎TULAMPATI SA IKASAMPUNG ANIBERSARYO NG CEED ‎ ‎taasnoong pagpupugay sa CEED ‎pagkat kalikasa'y di nabulid ‎sa pagkasira, inyong hinatid ‎ay pakikibakang aming batid ‎ ‎pinagtatanggol ang kalikasan ‎sinuri rin ng CEED ang lipunan ‎upang matiyak ang kaligtasan ‎ng katutubo at mamamayan ‎ ‎negosyo'y mapanira talaga ‎dulot ay maruming enerhiya ‎kalikasa'y winawaksi nila ‎kaya tayo'y dapat magkaisa ‎ ‎mula po sa maralitang hanay ‎muli, taospusong pagpupugay ‎sa CEED sa pagbaka n'yo't tagumpay ‎sigaw namin! mabuhay! mabuhay! ‎ ‎- gregoriovbituinjr. ‎07.31.2026 ‎ ‎* tulampati ng secgen ng Kongreso ng Pagkakaisa ng Maralitang Lungsod (KPML) na binigkas sa pagdiriwang ng CEED ‎* CEED - Center for Energy, Ecology and Development

DALIT laban sa pesticide gas ‎‎Gaano kasiraulo ‎ang mga gumawâ nito? ‎Yaong pabor sa negosyo ‎pinesticide gas ang tao! ‎ ‎Sa World War I ay mustard gas, ‎sa Vietnam war, CS gas, ‎sa DENR sa Pinas ‎gamit nama'y pesticide gas! ‎ ‎Makatao pa ba silang ‎pesticide ang pinambira ‎sa naroong raliyista? ‎Combatant na ba ang masa? ‎ ‎Natuto sila sa Kanô ‎upang hustisya'y masugpô! ‎ ‎- gregoriovbituinjr. ‎07.26.2026 * bidyo mula sa The Wheel sa kawing na: https://www.facebook.com/reel/1358699189684782

‎SA UNANG DEATH ANNIVERSARY NI MISIS ‎ ‎depresyon ang dumapo ‎di batid ang gagawin ‎tila nais sumuko ‎ng diwa ko't damdamin ‎ ‎biglâ ang pagkawalâ ‎ng diwatà kong sinta ‎laging natutulalâ ‎sigla ko'y nawalâ na ‎ ‎hanggang ngayon ay yanig ‎ang buong pagkatao ‎dama ko'y pagkalupig ‎at nawasak na mundo ‎ ‎bagamat pinipilit ‎pa ring maging matatag ‎palad man ay kaylupit ‎at laging nangangarag ‎ ‎mga tula't kwento man ‎ay pawang nagsitigil ‎sa dulo ng lansangan ‎ako rin ay hihimpil ‎ ‎sa baha't alimuom ‎sa mundo ng siphayò ‎kailan maghihilom ‎yaring duguang pusò ‎ ‎- gregoriovbituinjr. ‎06.11.2026

NANG HINULI ANG MGA HUBAD ‎ ‎Kay Balagtas: ‎ ‎Ang laki sa layaw, karaniwa'y hubad ‎sa bait at muni, sa hatol ay salat. ‎ ‎Ngayon: ‎ ‎Dahil sa tinding init, may mga nakahubad ‎sila'y pinaghuhuli, kriminal na ba agad? ‎ ‎Dagdag pa: ‎ ‎Nililihis ang isyu ng mga pandarambong nangurakot sa bayan ay di pa nakukulong - gregoriovbituinjr.‎ ‎04.14.2026 (Buwan ng Panitikan)

2 MAGKASUNOD NA ARAW NG DALAMHATI dalawang magkasunod na araw ng dalamhati Abril Onse, ikasampung death monthsary ni misis Abril Dose, pangalwang death anniversary ni Dad dalawa sa aking pinakamamahal sa buhay pagluwas ko galing probinsya, trabaho na naman upang tapusin ang mga agarang kailangan sadyang ganyan ang buhay, may panahon ng pagluhà, ng dalamhati, bukas nama'y pagbaka ng dukhâ kailangang tapusin ang mga isinasalin bagamat di sapat upang ang sarili'y buhayin munti man ang kabayaran, sa bulsa'y may papasok din pagkat araw-araw, dapat may pambiling pagkain natapos man ang dalawang araw ng paggunitâ dini sa pusò, sila na'y nakaukit na sadyâ - gregoriovbituinjr. 04.13.2026

TUMBONG ‎ ‎nais nang lumabas / ng tae sa puwet ‎iri na ng iri / nang paulit-ulit ‎sana'y dudukutin / ko na iyong pilit ‎buti't nalunasan, / nawalâ ang sakit ‎ ‎ininom ko agad / ang nakahandang dyus ‎galing ref, malamig, / guminhawang lubos ‎una, isang pitsel / nitong malunggay dyus ‎sunod ay bawang dyus / at ang turmeric dyus ‎ ‎at maya-maya lang, / agad naglabasan ‎yaong nasa puwet, / anong kainaman ‎guminhawa agad / itong pakiramdam ‎gayong sa ta-kubets, / isang oras naman ‎ ‎ang mga herbal dyus / ay kaylaking tulong ‎at di na masakit / itong aking tumbong ‎salamat, salamat / at ito'y humantong ‎sa damang ginhawa, / búhay ko'y sumulong ‎ ‎- gregoriovbituinjr. ‎04.13.2026

GENDER EQUALITY ‎ ‎galing ka raw sa tadyang ko, ngunit ‎iba yaong nais kong igiit ‎pantay tayo, anang kwentong bayan ‎nang sabay lumabas sa kawayan ‎ ‎karapatan nati'y magkapantay ‎pagkat minulan ay magkasabay ‎noon pa'y may  gender equality ‎pantay ang babae at lalaki ‎ ‎mulâ sa katutubong alamat ‎ngalan ay  Maganda  at  Malakas ‎tulad ko, katutubò rin sila ‎pagkapantay ay kinikilala ‎ ‎salamat sa alamat na ito ‎na pinanghawakan kong totoo ‎para sa pantay na karapatan ‎patungo sa patas na lipunan ‎ ‎- gregoriovbituinjr. ‎04.12.2026 ‎ ‎* litrato nina Maganda at Malakas sa UP Vargas Museum sa Diliman, QC

SA IKA-2NG TAON NG KAMATAYAN NI DAD ‎ ‎sa ikalawang taon / ng kamatayan ni Dad ‎amin siyang dinalaw / doon sa sementeryo ‎nagnilay at nagdasal, / nami-miss ka namin, Dad ‎kasama'y inang mahal, / kaming mga anak n'yo ‎ ‎at ginunita namin / ang inyong kabutihan ‎upang kami'y lumaki / at maging matagumpay ‎sa karera, pamilya't / niyakap na larangan ‎kaybuti n'yo po't kami'y / di hinayaang tunay ‎ ‎- gregoriovbituinjr. ‎04.12.2026

PAGPUPUGAY, LETRAN LADY KNIGHTS! ‎ ‎ako'y taospusong nagpupugay ‎sa  Letran Lady Knights  sa tagumpay ‎ninyo sa larangan ng volleyball ‎sa NCAA, talagang idol ‎ ‎malaking karangalan sa  Letran ‎ang ipinakitang katatagan ‎kayâ ang pangsiyam na korona ‎ay pinaghirapan n'yong nakuha ‎ ‎Arriba Letran ! ang ating sigaw ‎sa arena umaalingawngaw ‎mga  Lady Knights , mabuhay kayo! ‎kami sa inyo'y sumasaludo! ‎ ‎paghandaan ang sunod na taon ‎back-to-back na titulo ang misyon ‎ ‎- gregoriovbituinjr. ‎04.11.2026 ‎ ‎* ulat mulâ sa pahayagang Bulgar, Abril 11, 2026, pahina 12 ‎* NCAA - National Collegiate Athletic Association

SA TOTOO LANG ‎ ‎ako'y makatang taring na may tungkuling mabuti ‎para sa bayan, hindi sa dinastiya't salbahe ‎hindi ako parang bubuyog na kinukumbinsi ‎ang langaw na mas masarap ang pulot kaysa tae ‎ ‎bawat usad ng pluma'y para sa katotohanan ‎ng mga nakikita't nangyayari sa lipunan ‎sinumang salbahe'y hindi ako mapipigilan ‎sa pagkathâ ng mga tulang may silbi sa bayan ‎ ako'y manunulat para sa uring manggagawà ‎adhikain ay sistemang giginhawa ang dukhâ ‎stage 4 na kanser ng lipunan ay lumalalâ ‎iyan ang kanser stage 4 na di mawalâ-walâ ‎ ‎mga isyu ng bayan ay arálin ding talaga ‎bakit dukha'y laksâ habang iilan ay sagana ‎ang katotohanang ito'y sa ngalan ng hustisya ‎kayâ kasamang tunay ng mga nakikibaka ‎ ‎- gregoriovbituinjr. ‎04.11.2026

‎SA IKA-10 DEATH MONTHSARY NI MISIS ‎ ‎di ko maiwasang lumuhà ‎lagi pa ring natutulalâ ‎sampung buwan ka nang nawalâ ‎ang loob ko'y di pa rin handâ ‎ ‎O, diwatà kong nililiyag ‎akala ko, ako'y matatag ‎ngunit iwing búhay ay hungkag ‎aandap-andap, nangangarag ‎ ‎tuwina'y nasa panaginip ‎ang larawan mo sa pag-idlip ‎pagsintang walang kahulilip ‎ay lalaging kahalukipkip ‎ ‎matagal pa bago magsama ‎kitang dalawa, aking sinta ‎tinatapos ko pa'y nobela ‎sa masa, hustisya, pag-asa ‎ ‎- gregoriovbituinjr. ‎04.11.2026

MANAGOT KAYONG MGA KURAKOT ‎ ‎O, kayong mga pulitiko ‎na aming mga ibinoto ‎nagkamali kami sa inyo ‎kung kayo'y kurakot sa pondo ‎ng bayan, bumabâ na kayo ‎sa inyong pwesto sa gobyerno ‎at talagang managot kayo ‎sa ginawâ n'yong krimeng ito ‎ ‎- gregoriovbituinjr. ‎04.10.2026 ‎(15th Black Friday Protest ng 2026) * mapapanood ang munting bidyo sa kawing na: https://web.facebook.com/share/v/16dahaQ5HM/  

TUWING BIYERNES ‎ ‎sadyang di ko kinaliligtaan ‎tuwing Biyernes yaong usapan ‎ang ilunsad ang  Black Friday Protest ‎saanman tayo tuwing Biyernes ‎ ‎na adhikain ay mapanagot ‎ang mga pulitikong kurakot ‎na sa kulungan sila'y magdusa ‎na ang nag-uudyok ay hustisya ‎ ‎hustisya'y lagi nating igiit ‎dahil krimen nila'y anong lupit ‎pondo ng bayan yaong dinambong ‎di lang milyong piso kundi Bilyon ‎ ‎giyera'y kailan matatapos? ‎itanong kay Trump, tanong kong kapos ‎giyera'y wakasan, di lang ceasefire ‎kapayapaan na ay ilugar ‎ ‎mga paalaalang totoo ‎tuwing Biyernes ay gawin ito ‎Black Friday Protest  ay di titigil ‎masa'y makialam na't maningil ‎ ‎- gregoriovbituinjr. ‎04.10.2026 ‎(15th Black Friday Protest ng 2026)

KWENTONG BAYAN ‎ ‎kayraming kaysarap basahing kwentong bayan ‎tulad ng  One Thousand and One Nights , kainaman ‎sa atin,  Juan Tamad, Ibalon, Pilandok ‎kwentong katutubò, mulâ patag at bundok ‎ ‎ninais kong makapagsulat ng ganito ‎tulâ, pabulâ, dulâ, sanaysay, at kwento ‎batay sa mga katutubò, mandirigmâ, ‎kalinangan, kasaysayan ng ating bansâ ‎ ‎sinalaysay ng samutsaring salinlahi ‎mula sa panahong sinauna ng lipi ‎ang sinalaysay ng makatang umiibig ‎at ng mga mandirigmang di nagpalupig ‎ ‎ilan iyan sa aking mga nilalayon ‎misyong isinasabuhay noon at ngayon ‎kumathâ ng maraming akdâ yaring pakay ‎at kwentong bayan ay panatilihing buháy ‎ ‎- gregoriovbituinjr ‎04.10.2026 ‎ ‎* larawan mulâ sa larong Word Shatter sa selpon

TULAWIT SA ARAW NG KAGITINGAN ‎ ‎ang mga bayani ng bayan ‎ay atin pong alalahanin ‎ngayong Araw ng Kagitingan ‎upang kalayaan ay kamtin ‎ ‎sa mga bayaning Pilipino ‎kami'y taospusong nagpupugay ‎pagkat bansa'y pinalaya ninyo ‎mula sa mga imbi't kaaway ‎ ‎- gregoriovbituinjr. ‎04.09.2026 * mapapanood ang munting bidyo sa kawing na: https://www.facebook.com/share/v/1B4b5FNBCc/

PAGTUNTONG SA SAPATOS NG API ‎ ‎piniling tumuntong sa sapatos ‎ng api't mga naghihikahos ‎pasya ko iyong walang nag-utos ‎kundi budhi, inatas na lubos ‎ ‎kayâ pinili kong maging tibak gapangin ma'y malalim na lusak ‎at paglingkuran ang hinahamak ‎ng tuso't sistemang mapanyurak ‎ ‎oo, ganyan, ganyan yaring búhay ‎na buong pusò ko nang inalay ‎sa pakikibakang tanging pakay upang dukha'y guminhawang tunay ‎ ‎subukan mo, katoto, kumpare ‎tumuntong sa sapatos ng api ‎at huwag maging makasarili ‎ganito ang búhay na may silbi ‎ ‎- gregoriovbituinjr. ‎04.09.2026 (Araw ng Kagitingan) * litratong kuha ng makatang galâ sa rali noong ika-40 anibersaryo ng Pag-aalsang Edsa, 02.25.2026

MAY UMAGANG PARATING ‎ ‎“Even the darkest night will end and the sun will rise.” ~ Victor Hugo, Les Misérables ‎ ‎gabi'y gaano man kapusikit ‎danas man ay gaano kapait ‎sistema man ay napakalupit ‎ay may bagong umagang sasapit ‎ ‎iyan ang madalas sinasabi ‎ng mga matatandang pineste ‎ng mga banyagang mapang-api ‎kaya pumanglaw ang mga gabi ‎ ‎kasaysayan na ang nagtuturò ‎na bayan natin ay mahahangò ‎mulâ kaapihang nakatagpô ‎kung kikilos lang, kahit madugô ‎ ‎sina Bonifacio't Dr. Rizal ‎ay inangat natin sa pedestal ‎na ginawa'y ikinararangal ‎ng bansâ, sila'y mga imortal ‎ ‎may bagong umaga pang parating ‎kahit sambayanan pa'y nahimbing ‎sa mga kurakot ay nagising ‎kumikilos na ang magigiting ‎ ‎- gregoriovbituinjr. ‎04.09.2026 (Araw ng Kagitingan)

NGINATNGAT NA TAKIP NG BOTE ‎ ‎nakita kong tanggal / ang takip ng bote ‎ng mantikà, at may / ngatngat na ang tapón ‎sino'ng sanhi? bakit / ganyan ay nangyari? ‎nginatngat ng dagâ / kayâ tumilapon? ‎ ‎nasarapan kayâ / ang dagâ sa takip ‎ng bote't malasa? / o kaya'y mantikà ‎ang kanyang puntirya? / anong naiisip ‎kundi kagutumang / dapat nang mawalâ? ‎ ‎bago bang mantika'y / akin nang bibilhin? ‎baka nalawayan / na ng dagâ ito? ‎subalit walâ pa / ngayong gigisahin ‎wala pang nabiling / isdang ipiprito ‎ ‎anong klaseng takip / ng mantikang dapat ‎kong bilhin? o kayâ / itagò talaga ‎upang di ngatngatin / ng dagang nagkalat? ‎o kaya pampatay / ng daga'y bilhin na? ‎- gregoriovbituinjr. ‎04.08.2026

SALAWAHAN ‎ ‎wala akong silbing makatâ ‎kung pag-ibig ko'y salawahan ‎anong aking magiging mukhâ ‎sa harap ng giliw at tanan ‎ ‎ako'y talagang palamara, taksil, ahas, lilo, at sukab ‎pagkat nangaliwâ sa sinta ‎pag-ibig pala'y di mag-alab ‎ ‎di ba't makata'y dapat tapat ‎sa pag-ibig ng kanyang pusò ‎at kung pagsasama'y maluwat ‎tutupad sa kanyang pangakò ‎ ‎iyan ang nais kong manaig ‎sa sarili't búhay kong iwí ‎makata'y tapat kung umibig ‎maging búhay man ay mapútí ‎ ‎- gregoriovbituinjr. ‎04.07.2026

HEART AT EARTH ‎ ‎pag nirambol ang mga salitâ ‎tulad ng  EARTH  ay  HEART  ang katagâ ‎may pusò kang mahalin ang lupà ‎o daigdig nating lumuluhà ‎ ‎kayganda ng gayong parikalâ ‎ HEART  at  EARTH  ay magkaisang sadyâ ‎tilà iisa ang nasa diwà ‎tilà iisa ang nasa't diwà ‎ ‎tao ang dapat nangangalaga ‎sa natatanging mundo at lupà ‎ang mundo'y sinisirà ng digmâ ‎habang hanap ay mundong payapà ‎ ‎ EARTH  at  HEART , sabay na lumuluhà ‎kung tayong tao'y walang ginawâ ‎upang sistemang bulok mawalâ ‎paano giginháwa ang dukhâ ‎ ‎pagkakaisa ng mga bansâ ‎ay dapat nang di mapariwarâ ‎ang mundong ang puso'y lumulubha ‎dahil tayong tao'y nagpabayâ ‎ ‎- gregoriovbituinjr. ‎04.07.2026 ‎ ‎* larawan mulâ sa google, titik sa larawan ay gawâ ng makatâ

UNA PAHALANG: BINIBIGKAS NG MAKAT ‎ ‎salamat sa unang tanong, nakatutuwâ ‎dahil aking pagkatao ang binabadyâ ‎una pahalang pa lang, sagot ko na'y  TUL  ‎kayâ tula'y agad kinathâ ng makatâ ‎ ‎nakabibigkas lang ng tulâ pag may rali ‎pag nabatid ang isyu, doon sinasabi ‎ng patulâ, madalas tula'y hinahabi ‎sa rali lalo na't sa masa nagsisilbi ‎ ‎bihirang bumigkas, kapag may okasyon lang ‎bagamat araw-gabi'y nasa pasulatan ‎kathâ ng kathâ ng tulâ para sa bayan ‎gagawing libro upang basahin ng tanan ‎ ‎salita'y balaraw na aking inuulos ‎sa bulok na sistemang ipinagpupuyos ‎niring loob, sistemang dapat kinakalos; ‎salamat sa krosword na aking tinatapos ‎ ‎- gregoriovbituinjr. ‎04.06.2026 ‎ ‎* litrato mulâ sa pahayagang Bulgar, Abril 6, 2026

KAYA KO PA BANG MAGING MAKINA? ‎ ‎i ‎ ‎humihina na ang aking mga piyesa ‎nagmahal kasi ang presyo ng gasolina subalit kaya ko pa bang maging makina ‎lalo't mga bakal ko'y kinakalawang na ‎ ‎lalong pupurol pag di na ako nagamit ‎ang kasuluk-sulukan ko'y lagyan ng fluid ‎sa mga kinakalawang, grasa'y ipahid ‎pihitan ko'y dapat magaan pag pinihit ‎ ‎ii ‎ ‎nag-operator noon ng  AIDA Press Machine ‎ang karanasang iyon ay tatlong taon din ‎sa pabrikang Hapon ay iyon ang gawain ‎talubatâ pa noon nang doon hasain ‎ ‎ngunit walâ na ang pinagtrabahuhan ko ‎isang gunitâ na lang ang pabrikang  PECCO ‎tatlong dekada na'y nagdaan, naisip ko ‎ngayon, matandâ na ako't di na obrero iii dapat palitan ang nanginginig na kamay makina'y bubulok pag hinayaang tunay na pag di nalilinis, ito'y nalulumbay kahit makina, dapat malusog ang lagay ‎ ‎- gregoriovbituinjr. ‎04.06.2026 * PECCO - Precision Engineered Components Corporation

PAGTAGUYOD SA KAPWA MAKATA'T TULÂ ‎ ‎itinataguyod ko ang kapwa makatâ ‎pati mga pinaghirapan nilang tulâ ‎ganyan ang adhikain ko't nasasadiwà ‎kapara'y  Batute't Balagtas  na dakilà ‎ ‎pag sa iwing haraya'y mayroong makatas ‎paglalambing ng dila'y nagiging madulas ‎ang pananalinghaga'y agad mawawatas ‎parang walang kupas na  Batute't Balagtas ‎ ‎itutulâ ko sa pusikit na karimlan ‎ang diwà ng mga makatang kaibigan ‎kaisa sa kanilang ipinaglalaban, ‎pananaw, akala, isinasalarawan ‎ bagamat wala man kami sa toreng garing ‎kami'y magkasangga gaano man kadilim ‎ang bukas dahil sa digma't pagkagupiling ‎may bagong umaga't rosas na masisimsim ‎ ‎- gregoriovbituinjr. ‎04.04.2026 ‎ ‎* litrato mulâ sa larong Word Connect sa selpon

NAGSASAYAW NANG MAG-ISA ‎ ‎ako'y nagsasayaw nang mag-isa ‎sa musika ng mga harana ‎kunwa'y hawak ang kamay ng sinta ‎nakapikit, naririto siya ‎ ‎para akong baliw, umiiyak ‎hanap ang kanyang mga halakhak ‎kahapon namin pa'y nag-aantak ‎sa puso't diwà na'y nakatatak ‎ ‎tila ba ayoko nang magising ‎sa pag-idlip at pagkagupiling ‎nais kong magpatuloy na himbing ‎magkahawak yaong kamay namin ‎ ‎paumanhin sa patak ng luhà ‎na tilà lansangan ay binahâ ‎ganito lang ang abang makatâ na di ko naman mapagkailâ ‎ ‎- gregoriovbituinjr. ‎04.03.2026

‎LUHÀ KO'Y TILA PATAK NG ULAN ‎ ‎luhà ko'y tila patak ng ulan ‎luhang payak lang kung iyong tingnan ‎subalit wasak ang kalooban ‎nang aking sinisinta'y lumisan ‎ ‎nakangiti sa harap ng iba ngunit puso ko'y hirap talaga ‎ang pinangarap namin ng sinta ‎ay bulang tuluyang naglaho na ‎ may pamilyang itinataguyod ‎ang pagsasama'y nakalulugod ‎subalit para akong nalunod ‎sa dagat ng kawalan, sumudsod ‎ ‎saan pa susuot ang tulad ko? ‎buti't inaalalayan ako ‎nitong panitikan, tula't kwento ‎na binubúhay akong totoo ‎ ‎- gregoriovbituinjr. ‎04.03.2026

SA PUNTOD NG SINTA ‎ ‎kaylayo man, ako'y nakarating ‎sa puntod ng sintang tinatangi na ang alay ng makatang taring ‎ay tula't di maiwasang hikbi ‎ ‎gumuhò ma'y lahat ng pangarap ‎ay dapat magpatuloy ang búhay ‎kayâ kailangan kong magsikap ‎at tagumpay ko'y sa sinta alay ‎ ‎may libreto na ng mga tulâ ‎subalit wala pa ring nobela ‎ako ma'y isang abang makatâ ‎nangangarap maging nobelista ‎ ‎narito ako sa kanyang puntod ‎na pag-ibig ang ibinubulong ‎na sa sumpaa'y di tatalikod ‎pagkat puso'y siya ang kadugtong  ‎ ‎- gregoriovbituinjr. ‎04.03.2026

‎SA MGA KURAKOT NGAYONG BIYERNES SANTO ‎ ‎sa mga kurakot, tuso, ‎buwitre't buwayang trapo: ‎kayong kawatan sa pondo ‎ng bayan, magsisi kayo! ‎ ‎ang inyong pangungurakot ‎ay dusa't hirap ang dulot ‎sa masa, kayo'y managot ‎at di dapat makalusot ‎ ‎- gregoriovbituinjr. ‎04.03.2026 ‎14th Black Friday Protest ng 2026

PAGDALO SA 'KALBARYO NG KAWALAN NG KATARUNGAN' NG FIND ‎Maikling sanaysay at tulâ ni Gregorio V. Bituin Jr. ‎ ‎Umaga ng unang araw ng Abril, dumalo muna ako sa  Kalbaryo ng Kawalang Katarungan,  isang aktibidad ng  FIND (Families of Victims of Involuntary Disappearance)  sa  Bantayog ng mga Bayani . ‎ ‎Nagsimula ang programa ng ikasampu ng umaga, kung saan binasa ang walong pahinang pampleto, na binasa sa harap ng apat na estatwa ng desaparesido na nilikhâ ni National Artist Toym Imao. ‎ ‎Matapos ang programa, nagbigay kami ng repleksyon. Doon ay binigkas ko ang isang tulang kinathâ ko, na pinamagatang  "Hustisya sa mga Desaparesidos" : ‎ ‎wala kaming puntod na titirikan ng kandila ‎hanggang ngayon, sa mahal namin ay nangungulila ‎sila'y aktibistang nagsikilos upang lumaya ‎mula sa pagsasamantala ang bayan at dukha ‎ ‎inorganisa ang kababaihan, manggagawa ‎magsasaka, kabataang estudyante, ang madla ‎ang guro, manininda, abugado, mangingisda  ‎subalit s...